Во еден преплавен и презаситен медиум, каков што е фотографијата, ретки се фотографите кои успеваат да го пронајдат својот уникатен поглед и оригинален стил. Да, следното кое ќе го напишев беше- „Но, меѓу малкумината оригинални и свои фотографи е Мартин Пар, престижниот член на Магнум фотос“, но , наместо тоа ќе се запрашам- зошто? Зошто токму Мартин Пар? Што има толку впечатливо и длабоко во фотографија на голема порција помфрит со кечап и мајонез? Одговорот е ништо! Да, ништо, и точно во тоа е големината на Мартин Пар. Наместо натрупаните со симболи, силно впечатливи, шокантни или импресивно грандиозни фотографии, наместо необична светлина, убава шминка, оригинален костим и намачканата со златна боја моделка во невозможна поза, Мартин Пар фотографира куче со очила.

Edvard Burtynsky отсекогаш бил заинтересиран за вештачки промени во пејзажот и територијата, особено оние што ги прави развојот на индустријата. Има некоја филозофија околу сето тоа. Според него, главните чекори во еволуцијата на човекот се мери со употребата и истражување на ресурсите на Земјата од страна на луѓето: почнувајки  од камената епоха, па потоа со металот, јагленот, нафтата, итн.  Во своето дело, тој се обидува да го фати, во детали и контрасти, суштината на човечкото суштество, кој во потрага на поедноставен и посмирен живот ја троши и разорува природната средина. Овие слики се како метафора за модерните времиња,  претставени од страна на уметникот . Неговата неодамнешна репортажа за производство во Кина е пример на оваа гледна точка.

Секој има фотографии од сопственото семејство. Оние кои стојат гордо на фрижидерот, врамени покрај компјутерот или едноставно спокојно складирани во семејниот фото-албум. Но, Елинор Каруци го пречекорува прагот на интимност и се приближува поблиску до нејзиното семејство.

Руски фотографии снимени пред 100 години изгледаат како да се направени вчера. Во транзициониот период во Русија, со индустијализицијата, се ширело незадоволството со царот. Во такво време Сергеј Михаилович Прокудин-Горски бил назначен за официјален царски фотограф од цар Никола II.

Christoph Morlinghaus студирал фотографија во Дортмунд, „School of Design and Photography“ во Германија. Во 1999 г се преселил во Лондон и од тогаш неговиот живот е поделен помеѓу Европа и Њујорк, каде се наоѓа неговото студио. Негови клиенти се : Big, Condé Nast Traveler , Details, Dwell, Fortune, Le Dictateur, Martha Stewart Living, Monocle, New York Magazine, и Wallpaper.