На 13ти Февруари во Скопје ќе се одржи интернационален натпревар насловен како „ЈугоИсток 24-7 Фото Маратон“. Истиот ќе се одвива во исто време во 7 југоисточни европски градови меѓу кој и Скопје. Натпреварот ќе биде базиран на теми кои го опишуваат градот во кој се одвива истиот. „Што го прави градот во кој живеам мој град? Што е типично во него за земјата и за регионот во кои живеам? Дали е урбан или рурален, повеќе е брз или бавен, зелен или сив?“. Фотографите ќе имаат 24 часа да одговорат на овие прашања со свои фотографии почнувајќи од 13ти февруари во 11 часот до 14ти февруари истото време. Можно е учество како поединец фотограф или како тим.